Nýr kjarasamningur við ríkið samþykktur með miklum meirihluta
Höfundur
Gauti Skúlason
Viska gerði nýjan heildarkjarasamning við ríkið þann 30. júní síðastliðinn. Samningurinn var kynntur fyrir félagsfólki í síðustu viku og var kosið um hann meðal félagsfólks Visku sem starfar hjá ríkinu.
Kosningu um nýjan kjarasamning Visku við ríkið lauk á hádegi í dag. Samningurinn hefur gildistíma frá 1. apríl 2024 til 31. mars 2028. Launahækkanir gilda því afturvirkt frá og með 1. apríl síðastliðnum.
Á kjörskrá voru 1.494 manns og var kosningaþátttaka 30%. 393 samþykktu samninginn eða 89% en 49 greiddu atkvæði á móti eða 11%. Samningurinn telst því samþykktur.
Félagsfólk Visku hjá ríkinu á von á eingreiðslu með launaseðli 1. ágúst næstkomandi þar sem greiddar eru afturvirkt launahækkanir frá 1. apríl.
Nýjan kjarasamning og nýjar launatöflur má finna á vef Visku.